लातूर – लातूर येथील शिवा लिंगायत युवक संघटनेच्या वतीने बार्शी रोड लगत असलेल्या गिरवलकर मंगल कार्यालयात आयोजित दुसऱ्या व्हीआयपी इव्हेंट 2025 लिंगायत वधुवर परिचय सोहळ्यामध्ये आंतरराष्ट्रीय पातळीवरील कार्यक्रमात सांबप्पा गिरवलकर यांना त्यांच्या सामाजिक कार्याचा अग्रेसर असणाऱ्या शिवा लिंगायत युवक संघटनेचे संस्थापक अध्यक्ष दयानंद पाटील यांनी आंतरराष्ट्रीय पातळीवरील समाज बांधवांच्या साक्षीने.व्हीआयपी इव्हेंट 2025 लिंगायत वधुवर परिचय मेळाव्यामध्ये कर्मयोगी लिंगायत रत्न पुरस्कार देऊन सत्कार करण्यात आला.
यावेळी यांच्यावर बसव मंत्रोच्चारात पुष्पवृष्टी करण्यात आली.या वेळी महाराष्ट्र आणि कर्नाटक राज्यातील वधुवर क्षेत्रात निस्वार्थ भावनेने काम करणारे समाज बांधव मोठ्या संख्येने उपस्थित होते.
गिरवलकर अप्पा यांचे श्री महात्मा बसवेश्वर शिक्षण संस्था लातूरच्या वाटचालीत बहुमोल योगदान आहे. तसेच त्यांनी विधिज्ञ म्हणून न्यायालयीन क्षेत्रात नावलौकिक कमावलेला आहे.सिद्धयोग ध्यान केंद्राच्या मार्फत अध्यात्मिक क्षेत्रातही लातूरचे नावलौकिक वाढवले. आहे. ज्येष्ठ समाज धुरीण, सुप्रसिद्ध उद्योजक, दासोहवृत्ती, दूरदृष्टीत्व असणारे व्यक्तिमत्त्व ,शिस्तप्रिय, निर्मळ,उदार व्यक्तिमत्त्व म्हणून समाजासाठी ते भूषण आहेत.त्यांनी घालून दिलेल्या आदर्शावर समाजातील उदयोन्मुख पिढी घडावी अशी भावना यावेळी व्यक्त करण्यात आली.
या वेळी शिवा लिंगायत युवक संघटनेचे संस्थापक अध्यक्ष दयानंद पाटील, प्राचार्य डॉ सिद्रामप्पा डोंगरगे, शिवराज शेटकार, कुमार स्वामी गणाचार्य,सौ माया दयानंद पाटील,कु.मयुरी दयानंद पाटील,चि रुद्राप्पा दयानंद पाटील, सुहास अष्टके, नागेश कानडे, योगेश गिरवलकर,सौ माया मिसलगी,सौ,गिता शर्मा, विश्वनाथ पाटील वन्नाळीकर, महादेव स्वामी सोलापूर संबा खोत इचलकरंजी,व देशातील आठ राज्यातील व विदेशातील लिंगायत समाज व लातुरातील लिंगायत बांधव मोठ्या संख्येने उपस्थित होते.
